Rossiya Germaniya tashqi ishlar vaziri kelganidan so‘ng Xarkivga hujum qildi

Rossiya Xarkivga Germaniya tashqi ishlar vaziri Annalena Berbokning shaharga kutilmaganda kelganidan bir necha soat o‘tib zarba berdi. Bu haqda viloyat harbiy boshqarmasi boshlig‘i Oleg Sinegubov ma’lum qildi.

Foto: AP

Uning so‘zlariga ko‘ra, hozir shaharda portlash ovozlari eshitilmoqda. Mahalliy aholidan boshpanalarni tark etmaslik so‘ralgan.

Germaniya tashqi ishlar vaziri Annalena Berbok Ukrainaning Xarkiv shahriga e’lon qilinmagan tashrif bilan bordi.

Unga Ukraina tashqi ishlar vaziri Dmitriy Kuleba va Ukrainaning Germaniyadagi elchisi Aleksey Makeyev hamrohlik qildi. Tashrif xavfsizlik nuqtayi nazaridan sir tutildi.

Annalena Berbok Germaniya Vazirlar Mahkamasining fevral oyidan beri Sharqiy Ukrainaga tashrif buyurgan birinchi a’zosi bo‘ldi, deb qayd qildi Stuttgarter Nachrichten.

Tashrif chog‘ida vazir ko‘proq qurol-yarog‘ va shuningdek, mamlakatning Yevropa Ittifoqiga qo‘shilishiga yordam beradigan «aniq takliflar»ni va’da qildi.

Muallif: Элмурод Эрматов

#Annalena Berbok #Xarkiv