O‘zbekiston Singapur tajribasi asosida aeroportlarni rivojlantiradi

O‘zbekiston transport vaziri I.Mahkamov Singapurda ushbu mamlakat transport vaziri S.Isvaran bilan muzokaralar o‘tkazdi.

Foto: Transport vazirligi axborot xizmati

Unda mamlakatlar o‘rtasida transport sohasidagi hamkorlik aloqalarini rivojlantirish masalalari muhokama qilindi.

Tomonlar Singapur tajribasi asosida aeroportlarni rivojlantirish, jamoat transportini raqamlashtirish, respublikada transport-logistika markazlarini qurish, o‘zbek mutaxassislarini Singapurda tajribasini oshirishni tashkillashtirish bo‘yicha kelishuvlarga erishdi.

Muzokaralar yakuni bo‘yicha O‘zbekiston Transport vazirligi va Singapur Transport vazirligi o‘rtasida transport sohasida bitim imzolandi. Bitimga ko‘ra, tomonlar qisqa muddatda qo‘shma ishchi guruhini tuzib, hamkorlikdagi loyihalarni amalga oshirishni jadallashtirish belgilandi.