Sovetlar yashirgan fojia: SSSRdagi eng ko‘p odam vafot etgan teploxod halokati

1983 yilda palubasida qariyb 450 kishi bo‘lgan teploxod tunda Volga daryosi ustiga qurilgan ko‘prikka uriladi va halokatga uchraydi. Oqibatda teploxodda bo‘lgan qariyb 200 kishi halok bo‘ladi, boshqalari bedarak yo‘qoladi. Yana ko‘plab insonlar tan jarohatlari oladi. O‘sha paytda bu halokat haqida hech qayerda xabar berilmaydi va u ommadan sir tutiladi. Keyinchalik, 1990-yillar boshida SSSR tarqab ketgach fojia tafsilotlari ochiqlanadi.