Ukraina: Leopard'ni ishlatish bo‘yicha mashqlar 6 fevraldan boshlanadi

Qo‘mondonlik mashg‘ulotlar qayerda o‘tkazilishiga aniqlik kiritmagan.

Ukraina Qurolli kuchlari bosh shtabi ma’lum qilishicha, Rossiya harbiylari ma’lum yo‘nalishlarda qayta to‘planmoqda. 

Uning ma’lumotlariga ko‘ra, Rossiya armiyasining asosiy sa’y-harakatlari Kupyansk, Liman, Baxmut, Avdiyivka va Novopavlovsk yo‘nalishlaridagi hujum operatsiyalariga qaratilgan.

Bundan oldin Portugaliya Ukrainaga Leopard 2 jangovar tanklarini yuboradi, deb xabar bergandi mamlakat bosh vaziri Antonio Koshta. U tanklarning soniga aniqlik kiritmadi.

Antonio Koshtaning so‘zlariga ko‘ra, uning mamlakati Portugaliya qurolli kuchlari xizmatida bo‘lgan bir qator ishlamaydigan tanklarni ta’mirlash uchun zarur bo‘lgan ehtiyot qismlarni sotib olish maqsadida Germaniya bilan muzokaralar olib bormoqda. 

«Biz hozirda tanklarimizning bir qismini jo‘natish ustida ishlayapmiz, - dedi u Lusa Portugaliya axborot agentligiga. - Men Ukrainaga qancha tank berilishini bilaman, lekin bu haqda o‘z vaqtida e’lon qilinadi».

Avvalroq Ispaniya Leopard 2A4’ni Ukrainaga birinchilardan bo‘lib yetkazib berishni rejalashtirayotgani - uning tarkibiga tiklangan to‘rtta-oltita tank kirishi xabar berilgandi.