CIT: Rossiya T-54/55 sovet tanklarini omborlardan qayta chiqarib olyapti
1940-yillarga mansub bu tanklar Ukrainaga yuborilishi mumkin.

Foto: Videodan kadr
Conflict Intelligence Team (CIT) surishtiruv loyihasiga ko‘ra, Rossiya 40-50-yillarda ishlab chiqarilgan T-54/55 oilasiga mansub sovet tanklarini omborlardan qayta chiqarib olishni boshladi.
Loyiha ixtiyorida Uzoq Sharqdan harbiy texnika olib ketayotgan poyezd suratlari bor.
CIT ma’lumotlariga ko‘ra, T-54/55 tanklari bo‘lgan poyezd yaqinda Primore o‘lkasining 1295-Markaziy zaxira va tanklar bazasi joylashgan Arsenev shahridan jo‘nab ketgan.
Mutaxassislarning ta’kidlashicha, T-54’ning birinchi modifikatsiyalari sovet armiyasi tomonidan 1940-yillarning ikkinchi yarmida, T-55 esa 1958 yilda qabul qilib olingan.
«Biz ushbu tanklar nima maqsadda qo‘llanishi mumkinligiga aniq javob berishda qiynalyapmiz, ammo har qanday holatda ham, BTR-50 omborlardan olib chiqilishi va MT-LB’ga kema zenit qurollarini o‘rnatish bilan bir qatorda, bu Rossiya Qurolli kuchlarini zirhli transport vositalari bilan ta’minlashga oid jiddiy muammolarni aniq ko‘rsatmoqda», deyiladi CIT bayonotida.
Mavzuga oid

07:42
Rossiya Ukrainaning yangi hududlariga hujum boshlagan

16:09 / 09.04.2025
Rossiya va O‘zbekiston Transafg‘on temir yo‘li loyihasi bo‘yicha hamkorlikni kengaytiradi

10:48 / 09.04.2025
10 aprelda Istanbulda Rossiya va AQSh vakillarining uchrashuvi bo‘lib o‘tadi

10:10 / 09.04.2025