«Bolalarning begonasi bo‘lmaydi»: o‘gay farzandlarni o‘z bolasiday tarbiyalagan ota haqida hayotiy hikoya

«Tog‘ etagidagi qulay adirlikka chiqayotganimizda oyog‘im tagidan nimadir portladi va to‘lqin meni uloqtirib yubordi. Piyodalarga qarshi ishlatiladigan minaga duch kelgandik. Odatda bunday minalar oyoqlardan birini uzib yuborardi. Biroq menda unday bo‘lmadi. Oyoqlarim butun qolgan, faqat tanamga mina parchalari tekkandi. O‘shanda bekorga xursand bo‘lgan ekanman. O‘sha mina parchalari hayotimni o‘zgartirib yubordi va meni qiyin sinovlarga duchor qildi».