Samarqandda maktab hojatxonasiga o‘rnatilgan videokamera bo‘yicha chora ko‘rildi, qolganlariga-chi?

Kun.uzʼning surishtiruv maqolasidan so‘ng Samarqand tumanida joylashgan maktablarning biridagi o‘g‘il bolalar hojatxonasida o‘rnatilgan videokamera yuzasidan rasmiy munosabat bildirildi. Unga ko‘ra, kamera yaroqsizligi, tarmoqqa ulanmagani, o‘rganishlardan so‘ng esa u olib tashlangani qayd etildi. Biroq maqolada ko‘rsatilgan boshqa yaroqsiz hojatxonalar bo‘yicha biror chora ko‘rilmagan, bu borada izoh ham berilgani yo‘q.