"Paxta terilmaydigan kunlar kelishini xayolimizga ham keltirmaganmiz" – bulung‘urlik o‘qituvchi

Yaqin-yaqin yillargacha ham jamiyatimizda maktab o‘quvchilari, o‘qituvchi va shifokorlar eng arzon, aniqrog‘i tekin ishchi kuchi bo‘lib xizmat qildi. Ayniqsa, paxta va g‘alla mavsumida eng ko‘p ularning mehnatidan foydalanildi. Har yangi o‘quv yili boshlanishi bilan, ularning vaqti ko‘proq maktabda emas, paxta dalalarida o‘tdi. O‘z ustida ishlash o‘rniga, paxta terdi, paxta terdi, teraverdi.