RF Davlat dumasi davlatga xiyonat uchun umrbod qamoq jazosi to‘g‘risidagi qonunni qabul qildi

RF Davlat dumasi ikkinchi va uchinchi o‘qishda davlatga xiyonat (Rossiya Jinoyat kodeksining 275-moddasi) bo‘yicha umrbod qamoq jazosini joriy qiluvchi qonun loyihasini qabul qildi. Tegishli ma’lumotlar 18 aprel, seshanba kuni Rossiya parlamenti saytida paydo bo‘ldi.

Qonun loyihasi Davlat dumasiga 7 aprel kuni kiritilgan va o‘zgartirishlar matni parlament ma’lumotlar bazasida bir kun avval paydo bo‘lgan. Hozir davlatga xiyonat moddasi bo‘yicha jazo - 12 yildan 20 yilgacha.

Bundan tashqari, deputatlar bir vaqtning o‘zida bir nechta huquqbuzarliklar uchun javobgarlikning quyi va yuqori chegaralarini sezilarli darajada oshirdi. 

Jinoyat kodeksining 205-moddasi 1-qismi (terakt) bo‘yicha eng yuqori jazo 15 yildan 20 yilgacha kuchaytirilmoqda. Shuningdek, terrorizmga ko‘maklashish (Jinoyat kodeksining 205.1-moddasi) moddasi bo‘yicha ham muddatlar yuqoriga qarab o‘zgartirilmoqda: birinchi qismga ko‘ra, sudlar 7 yilgacha (oldingi tahrirdagi 5 yil o‘rniga), ikkinchi qismga esa 12 yilgacha (10 yil o‘rniga) ozodlikdan mahrum qilish jazosini tayinlashi mumkin. Terrorchilik faoliyatida ishtirok etganlik uchun (Jinoyat kodeksining 205.4-moddasi 2-qismi) endi 10 yildan 15 yilgacha (ilgari 5 yildan 10 yilgacha) muddat beriladi.

Bundan tashqari, RF Jinoyat kodeksining 284.3-moddasi paydo bo‘ladi (Rossiya ishtirok etmaydigan xalqaro tashkilotlar yoki xorijiy davlat organlarining «qarorlarini bajarishda yordam berish»). Unda 300 mingdan 1 million rublgacha jarima yoki 5 yilgacha qamoq jazosi nazarda tutilgan.