Ukrainada urushdan ko‘rilgan zararning 37 foizdan ortig‘i uy-joylarga to‘g‘ri keladi

Uning tushuntirishicha, bular "to‘g‘ridan to‘g‘ri va hujjatlashtirilgan moddiy yo‘qotishlar"dir. 

Ukraina hukumati ma’lumotlariga ko‘ra, eng katta zarar turar joy binolari (53,6 milliard dollar yoki 37,3 foiz) va infratuzilmaga (36,2 milliard dollar yoki 25,2 foiz) to‘g‘ri keladi.

AQSh moliya vaziri Janet Yyellen Rossiya Ukrainaga yetkazilgan zararni qoplashi kerak, deb hisoblaydi. Bu pozitsiyani AQSh Moliya vazirligi rahbari CNN telekanaliga bergan intervyusida aytib o‘tdi, undan parchalarni telekanal o‘z veb-saytida 15 aprel kuni joylashtirdi.

Yyellenning so‘zlariga ko‘ra, hozirda buni amalga oshirishga imkon beradigan mexanizmlar bo‘yicha muzokaralar olib borilmoqda.

«Menimcha, jahon hamjamiyati Rossiyadan bu mas’uliyatni kutmoqda», - deydi u. «Biz buni hamkorlarimiz bilan muhokama qilmoqdamiz, biroq muzlatilgan Rossiya aktivlari bilan nima qilishimiz mumkinligi borasida qonuniy cheklovlar mavjud», — dedi Janet Yyellen.

Ukraina prezidenti Volodimir Zelenskiy 12 aprel kuni Xalqaro valuta jamg‘armasi va Jahon banki rahbarlariga murojaatida Rossiya Markaziy bankining butun dunyo bo‘ylab muzlatib qo‘yilgan aktivlarini musodara qilish va ulardan Ukrainani qayta qurish uchun foydalanishga chaqirdi.