ISW: Rossiya Baxmutga hujumdan voz kechgan bo‘lishi mumkin

Navbatdagi tahliliy sharhda aytilishicha, shu tarzda «Vagner» XHK va uning asoschisi Yevgeniy Prigojin potensial qiyin vaziyatga tushib qolgan. 

Avvalroq Prigojin bir qator videolarni e’lon qilgan edi, unda u hissiyotli tarzda Mudofaa vazirligidan XHKni snaryadlar bilan ta’minlashni talab qilib, aks holda 10 maydan boshlab guruh jangchilarini Baxmutdan olib chiqib ketish bilan tahdid qilgan. 

ISW tahlilchilariga ko‘ra, Prigojinning g‘azabi Mudofaa vazirligi o‘z e’tiborini Baxmutdan boshqa jangovar hududlarga ko‘chirganini ko‘rsatadi, bu esa «vagnerchilarning» samarali faoliyat yuritish qobiliyatiga jiddiy putur yetkazishi mumkin. 

Biroq, ta’kidlanganidek, XHK o‘q-dorilar yo‘qligiga qaramay, Baxmutni to‘liq qo‘lga olishga harakat qilishni to‘xtatmayapti.