CNN: London Kiyevni Storm Shadow qanotli raketalari bilan ta’minladi

Buyuk Britaniya Ukrainaga Storm Shadow uzoq masofali qanotli raketalarini yetkazib berdi, deb xabar qilmoqda CNNyuqori martabali g‘arb rasmiylari ma’lumotlariga tayanib. 

Bu raketaning uchish masofasi 250 kilometrdan oshadi, bu esa unga “Ukraina sharqidagi Rossiya nazoratidagi hududga chuqur zarba berish imkonini taqdim etadi”, deb yozadi CNN. 

Shu bilan birga, telekanal xabariga ko‘ra, Ukraina vakillari Buyuk Britaniyani raketalar faqat Ukraina hududida qo‘llanilishiga ishontirishgan. 

London har doim Qrimni Ukraina hududi deb tan olib kelgan, deb eslatgan CNN, shuning uchun, ehtimol, raketalar yarimoroldagi nishonlar uchun ishlatilishi mumkin. 

Buyuk Britaniya Ukrainaning g‘arb ittifoqchilari orasida Kiyevni uzoq masofaga uchuvchi qurollar bilan ta’minlagan birinchi davlatga aylandi.