Donbassdagi evakuatsiya va Mikolayivdagi sapyorlar. Urush suratlari

Ukrainadagi urushning 441-kuni o‘tdi. Asosiy ma’lumotlar:

• Rossiya Yevropada oddiy qurolli kuchlar to‘g‘risidagi shartnoma (YeOQKSh)ni denonsatsiya qilmoqda, bu bitim a’zo davlatlar va harbiy texnikalar sonini cheklaydi. Prezident Vladimir Putin tegishli qonun loyihasini Dumaga taqdim etgan. Harbiy texnika miqdori bo‘yicha kvota joriy etish to‘g‘risidagi bu bitim 1990 yilda NATO va Varshava kelishuvi tashkilotiga kiruvchi mamlakatlar tomonidan imzolangan, 1992 yil noyabridan kuchga kirgandi.
• Pentagon Amerikaning Patriot havo hujumidan mudofaa tizimi 4 may kuni Ukrainada rossiyaliklarning «Kinjal» gipertovushli raketasini urib tushirganini ma’lum qildi, Sergey Shoygu uni «aniqlash ham, to‘xtatish ham mumkin emasligi»ni aytgandi.
• Rossiya FXX Ukraina fuqarosi (shaxsi keltirilmagan) Samarada Xalqaro antifashistik festivalda terakt uyushtirishga tayyorlanish aybi bilan qo‘lga olinganini ma’lum qildi.
• Ukraina QK quruqlik qo‘shinlari bosh qo‘mondoni Oleksandr Sirskiy ukrain kuchlari Baxmut yo‘nalishida qarshi hujumga o‘tgani va ayrim uchastkalarda hududlarning bir qismi qaytarib olingani haqida ma’lum qildi. Shu tariqa, Sirskiy amalda «Rossiya armiyasi brigadalaridan biri o‘z pozitsiyasini tashlab qochib ketgani»ni aytgan «Vagner» rahbari Yevgeniy Prigojinning so‘zlarini tasdiqladi.
• Kursk, Belgorod va Voronej oblastlari rasmiylari chorshanba kuniga o‘tar kechasi va tongda ularning hududlariga dronlar orqali hujum uyushtirilgani haqida xabar berdi. Belgorod oblasti gubernatorining so‘zlariga ko‘ra, oblast hudududida Olxovatka qishlog‘iga uchuvchisiz uchar qurilma hujum qilgan, bir necha binolar shikastlangan. Voronej oblastida harbiy obektga hujum qilishga urinish bo‘lgan, oblast ma’muriyatiga ko‘ra, bu urinish muvaffaqiyatsizlikka uchragan.

Pokrovskdan evakuatsiya

Pokrovsk anneksiya qilingan Donetskdan taxminan 60 kilometr shimoli-g‘arbda joylashgan. Ukraina qurolli kuchlarining Vuhledardagi guruhi ta’minot yo‘llaridan biri Pokrovskdan o‘tadi — rossiyalik harbiylar yanvar oyida Vuhledarni eggallash uchun yurish boshlagandi. Ukrainalik harbiylar Pokrovskdan imkon qadar ko‘proq tinch aholi vakillarini olib ketishga harakat qilmoqda.

Avdiyivka yaqinidagi ukrain artilleriyachilari 

Donetsk oblastidagi Ukraina QK tankchilari

Mikolayiv oblastidagi sapyorlar

Blagodatne posyolkasi Mikolayivdan taxminan 50 kilometr sharqda joylashgan. Keng ko‘lamli bosqin boshida Rossiya armiyasi Blagodatneni egallashga harakat qilgan, chunki bu posyolka Mikolayivga to‘g‘ridan to‘g‘ri yo‘l ochardi. 2022 yil avgust oyi oxirida Ukraina qurolli kuchlari rossiyaliklar Blagodatne atrofidan butunlay ketgani haqida xabar berdi, ammo posyolka atrofini minalardan tozalash ishlari hamon davom etmoqda.

Frontning turli nuqtalaridan suratlar