«Kambag‘allikdan chiqqanman va hashamatga o‘chlik menga begona» – Singapurning kamtar prezidenti haqida

Halima Yoqub bugungi kunda o‘zbekistonliklar diqqat markazida. Oddiy liboslarda, ro‘mol o‘ragan, ortiqcha pardozlarsiz va mayin jilmayish bilan odamlarni maftun etayotgan ayolga qarab u badavlat mamlakatlardan birining prezidenti ekaniga ham ishonish qiyin. Ayniqsa uning turne doirasida Qozog‘istondan O‘zbekistonga odatiy reysda, barcha yo‘lovchilar qatori uchib kelgani ko‘pchilikning e’tirofiga sazovor bo‘ldi.