Rossiyada O‘zbekiston prezidenti saylovi uchun 7 ta ovoz berish uchastkasi ochiladi

Markaziy saylov komissiyasi Rossiya hududida O‘zbekiston fuqarolari uchun muddatidan oldin prezidentlik saylovlarida ovoz berishlari mumkin bo‘lgan yettita saylov uchastkasi ochishni rejalashtirmoqda. Bu haqda payshanba kuni Rossiya MSK raisi Ella Pamfilova ma’lum qildi.

Foto: Kun.uz

«Moskva, Sankt-Peterburg, Qozon, Novosibirsk, Rostov-Don, Yekaterinburg va Vladivostokda yettita saylov uchastkasini tashkil etish rejalashtirilgan.

Bundan tashqari, 28 iyundan 5 iyulga qadar Rossiya Federatsiyasining 49 ta sub’yektidagi O‘zbekiston fuqarolari ko‘p bo‘ladigan joylarda ko‘chma uchastkalarni tashkil etish rejalashtirilgan», — dedi Pamfilova.

MSK raisining qo‘shimcha qilishicha, ovoz berishda xavfsizlikni ta’minlash uchun komissiya nomidan «FSB» va Ichki ishlar vazirligiga xat yuboriladi.

Tayyorlagan Отабек Матназаров

#saylov #Rossiya

O‘zbekistonda 2023 yil 9 iyul kuni muddatidan ilgari prezidenti saylovi bo‘lib o‘tadi. Yangilangan Konstitutsiyaga ko‘ra, prezident vakolat muddati hozirgi 5 yildan 7 yilga oshirilgan.