Rossiyada o‘zbekistonlik pivo bochkasiga cho‘kib o‘ldi

MK xabariga ko‘ra, 47 yoshli O‘zbekiston fuqarosi Ulug‘bek Moskva yaqinidagi xususiy pivo zavodiga bog‘bon sifatida ishga qabul qilingan.

Boshliq uni ishlashi uchun qoldirib ketgan, qaytib kelgach esa topa olmagan.

Keyinroq uning oldiga xodim kelib, bochkalardan birining qopqog‘i ochiq ekanini, xamirturush quyadigan kran ham ochiq qoldirilganini, polga xamirturush to‘kilganini aytgan.

Ular 2 ming litr hajmli bochka ichiga qaraganda, uning tubida bog‘bon murdasini ko‘rishgan.

Shifokorlar xulosasiga ko‘ra, migrant karbonat angidriddan zaharlanish oqibatida o‘lgan. Taxminlarga ko‘ra, u pivo ichishga qaror qilgan, lekin qopqoqni ochgach, boshi aylanib, tubiga qulagan.