«Vagner» va chechenlar: mojaro jiddiylashdi. Qodirov Prigojin bilan «erkakchasiga gaplashib oldi»

Yaqingacha bir-birini og‘a-ini deb atab kelgan, frontdagi eng qalin ittifoqchidek ko‘ringan Checheniston yetakchisi Ramzan Qodirov va «Vagner» xususiy harbiy kompaniyasi asoschisi Yevgeniy Prigojinning odamlari o‘rtasidagi mojaro jiddiylashdi. Endi har ikki tomon «to‘daboshilari» to‘g‘ridan to‘g‘ri bir-birini tanqid qildi. Prigojin chechenlarni go‘yoki «mayda millat» deb kamsitishga urindi. Qodirov esa jang maydonida chechenlar «Vagner»dan ancha samarali bo‘lganini iddao qildi.