Putin Peterburg forumida: Rossiyada YaIM o‘sishi yil oxirigacha 1,5-2 foizni tashkil qiladi

Yil oxirida Rossiya yalpi ichki mahsulotining (YaIM) o‘sishi 2 foizga yetishi mumkin. Bu haqda Rossiya prezidenti Vladimir Putin Peterburg xalqaro iqtisodiy forumi yalpi majlisida aytib o‘tdi. Rossiya rahbarining so‘zlariga ko‘ra, aprel oyida yalpi ichki mahsulot yillik hisobda 3,3 foizga o‘sgan bo‘lsa, yil oxiriga kelib unga “foizdan ko‘proq qo‘shiladi”.

“Mutaxassislarimizning o‘sish ko‘proq bo‘lishi, 1,5 foizgacha, balki 2 foiz ham bo‘ladi, degan fikriga qo‘shilaman”, dedi u. “Ta’kidlashni istardimki, bugungi kunda davlatimiz moliyasi barqarorlashgan”, — dedi Putin.

Davlat rahbari xorijiy brendlar egalarining Rossiyadan chiqib ketishiga alohida to‘xtalib o‘tdi. Ularning o‘rniga "bizning korxonalarimizda to‘liq ishlab chiqarilgan mahsulotlar uzoq vaqtdan beri sotilyapti", deb ishontirdi Vladimir Putin. Uning so‘zlariga ko‘ra, “faqat logotip o‘zgaradi, lekin bu biznesdan tushgan foyda mamlakatimizda qoladi”.

Avvalroq, 15 iyun kuni Britaniyaning The Financial Times gazetasi Putin o‘tgan hafta Rossiya davlatiga g‘arbning istalgan aktivlarini “katta chegirma” bilan sotib olish – ularni keyinchalik qayta sotish uchun ustuvor huquq beruvchi maxfiy farmonni imzolagani haqida xabar bergan edi.