Yoshlar agentligi o‘z homiyligidagi loyiha ijrochilarini tender g‘olibi deb topdi

Yoshlar ishlari agentligi o‘zi homiylik qilib kelgan “Ibrat farzandlari” loyihasi uchun tender o‘tkazdi va loyihaning amaldagi ijrochisini g‘olib deb topib, u bilan 1,5 mlrd so‘mlik shartnoma tuzdi. Davlat tashkiloti xorijiy tillarni o‘rgatuvchi qisqa va sodda montaj qilingan videolarning har biri uchun salkam 7 mln so‘mdan to‘lamoqda. Kun.uz surishtiruviga ko‘ra, bu bozor narxidan ancha qimmat bo‘lishi mumkin.