Ashxobodda O‘zbekiston, Tojikiston va Turkmaniston prezidentlari sammiti o‘tkaziladi

26 iyul kuni O‘zbekiston tashqi ishlar vaziri Baxtiyor Saidov, Tojikiston tashqi ishlar vaziri Sirojiddin Muhriddin va Turkmaniston tashqi ishlar vaziri Rashid Meredov o‘rtasida videokonferens-aloqa shaklida muzokaralar bo‘lib o‘tdi. 

Uchrashuvda joriy yil avgust oyida Ashxobod shahrida bo‘lib o‘tadigan O‘zbekiston, Tojikiston va Turkmaniston prezidentlari sammitiga tayyorgarlik ko‘rish va uni o‘tkazish masalalari muhokama qilingan. 

Vazirlar bo‘lajak yig‘ilishning dasturi loyihasi, kun tartibi, shuningdek, sammitning yakuniy hujjati loyihasini muhokama qilgan.