FT: Xitoy vakilining Jiddaga kelgani Ukraina ittifoqchilarini ruhlantirdi
FT suhbatlashgan Yevropa rasmiylari Xitoyning Saudiya Arabistonidagi Ukraina «tinchlik formulasi» bo‘yicha yig‘ilishda ishtirok etganini konstruktiv deb atadi.
Xitoy Ukrainadagi urushni hal qilish bo‘yicha keyingi xalqaro muzokaralarda ishtirok etishga tayyorligini ochiq aytdi. Bu haqda 7 avgust, dushanba kuni Financial Times nomi oshkor etilmagan yevropalik rasmiylarga tayanib yozmoqda.
Nashr suhbatdoshlari Xitoyning Saudiya Arabistonida Ukraina «tinchlik formulasi» bo‘yicha muzokaralarda «konstruktiv» ishtirokini olqishladi. Yevropalik diplomatlardan biri Xitoy «konstruktiv ko‘rinishda» va «u Rossiya emasligini ko‘rsatishga intilayotganini» aytdi. «Xitoyning qatnashishi Rossiyaning tobora yakkalanib borayotganini ko‘rsatadi», dedi u.
Boshqa bir yevropalik rasmiy Xitoy «faol ishtirok etgani va ushbu darajadagi uchinchi uchrashuv g‘oyasini olqishlaganini» aytdi.
5-6 avgust kunlari Jidda shahrida milliy xavfsizlik bo‘yicha maslahatchilar darajasida bo‘lib o‘tgan uchrashuv hech qanday aniq o‘zgarishlarsiz yakunlandi, deya qayd etadi FT. Ammo avvalroq Kopenhagendagi bunday muzokaralarda ishtirok etishdan bosh tortgan Pekinning mavjudligi Kiyev yo‘nalishidagi burilish nuqtasi sifatida qabul qilindi va tadbir ishtirokchilarining diqqat markazida bo‘ldi.
Rasmiy Pekin bu uchrashuvga hozircha izoh bermadi.
Mavzuga oid
11:20
Borrel Ukraina uchun 6,5 mlrd yevro ajratilishiga umid qilmoqda
11:10
Xitoy Tayvan yaqinida yirik mashg‘ulot boshladi: qo‘shinlar orol blokadasini mashq qilmoqda
09:00
Ukraina binolarni minalashtirish bilan bog‘liq tahdidlar to‘lqiniga duch keldi
20:14 / 14.10.2024