Misr tomonidan taqdim etilgan gepatitga qarshi dorining 12-partiyasi O‘zbekistonga yetkazildi
Uzbekistan Airways aviakompaniyasi Misr hukumati tomonidan mamlakatga insonparvarlik yordami sifatida ajratilgan S gepatitiga qarshi dori vositasining o‘n ikkinchi partiyasini Sharm-al-Shayxdan Toshkentga yetkazib berdi, deb xabar qilmoqda “Dunyo”.

Foto: Dunyo AA
Umumiy 30 dona qutiga yuklangan 7,2 ming dori vositalari O‘zbekiston Sog‘liqni saqlash vazirligi huzuridagi Virusologiya ilmiy-tekshirish instituti tomonidan shifotalab bemorlarga taqsimlanadi.
Ushbu tadbir O‘zbekiston prezidentining 2023 yil 20-21 fevral kunlari Misrga rasmiy tashrifi hamda ikki mamlakat sog‘liqni saqlash vazirliklari o‘rtasida o‘tkazilgan muzokaralar chog‘ida tuzilgan shartnomalarga muvofiq amalga oshirilmoqda.
Misr gepatit V va S viruslariga qarshi kurashda dunyo miqyosida sezilarli muvaffaqiyatlarga erishgan. Misr sog‘liqni saqlash vazirligi ma’lumotlariga ko‘ra, mamlakat aholisi ushbu kasallikdan butunlay forig‘ bo‘lgan va bu haqda vazir Xalid Abdug‘affor joriy yilning 21-30 may kunlari Jyeneva shahrida bo‘lib o‘tgan Jahon sog‘liqni saqlash tashkilotining 76-sessiyasida ma’lum qildi.
Mavzuga oid

14:53 / 31.03.2025
Misr O‘zbekiston qishloq xo‘jaligi mahsulotlari eksportini kengaytiradi

18:08 / 27.03.2025
Misrda ichida sayyohlar bo‘lgan batiskaf cho‘kib ketdi. Olti kishi halok bo‘ldi

01:57 / 20.03.2025
Misrda 3600 yil avval hukmronlik qilgan sirli fir’avnning qabri topildi

00:41 / 14.03.2025