O‘zbekiston, Qozog‘iston va Qirg‘iziston kuz-qish mavsumida elektr energiyasi yetkazib berish bo‘yicha kelishib oldi
O‘zbekiston, Qozog‘iston va Qirg‘iziston energetika vazirlari kuz-qish mavsumida elektr energiyasini o‘zaro yetkazib berish, elektr energiyasini soatlik hisobga olish mexanizmlarini joriy etish, rejadan tashqari oqimlarni tartibga solish bo‘yicha shartnomalarning amaldagi shartlarini qayta ko‘rib chiqish bo‘yicha kelishib oldi va boshqa masalalarni muhokama qildi.
O‘zbekiston energetika vaziri Jo‘rabek Mirzamahmudov 25-26 avgust kunlari Ostonada bo‘lib o‘tgan Qozog‘iston, Qirg‘iziston va O‘zbekiston energetika va suv xo‘jaligi idoralari vakillarining uchrashuvida ishtirok etdi, deya xabar berdi Qozog‘iston Energetika vazirligi matbuot xizmati.
Tadbir davomida kelgusi kuz-qish mavsumida elektr energiyasi yetkazib berish masalalari muhokama qilindi, bir qator o‘zaro kelishuvlarga erishildi, yetkazib berish hajmlari va muddatlari belgilandi.
Shuningdek, rahbarlar elektr energiyasining soatlik hisobini yuritish mexanizmini joriy etish imkoniyatlarini ishlab chiqish, xo‘jalik yurituvchi sub’yektlar o‘rtasida rejadan tashqari oqimlarni hisob-kitob qilish bo‘yicha shartnomalar tuzish, rejadan tashqari oqimlarni hisob-kitob qilish bo‘yicha shartnomalarning amaldagi shartlarini qayta ko‘rib chiqishga kelishib oldi.
Energetika vazirligining xabar berishicha, uchrashuvda transchegaraviy gidroenergetika loyihalarini amalga oshirish, xususan, "Qambarota-1" GES loyihasi va suv-energetika resurslari sohasidagi aloqalarni mustahkamlash masalalari ham muhokama qilindi.
Keyingi uchrashuv 2023 yilning noyabrida Bishkekda o‘tkazilishi rejalashtirilgan.
Mavzuga oid
11:03 / 14.10.2024
Yunusobodning ayrim hududlarida elektr vaqtincha o‘chiriladi
19:38 / 08.10.2024
“2030 yilga borib gaz importi 10-11 mlrd kub metrga yetishi mumkin” - energetika vaziri
08:00 / 08.10.2024
Elektr energiyasi uchun kiritilgan 200 kilovattlik norma oshirilishi kutilmayapti
20:45 / 07.10.2024