Toshkent va Xivada Xalqaro avtomobil konferensiyasi o‘tkaziladi 

2023 yil 13–14 sentabr kunlari Toshkent va Xiva shaharida Xalqaro avtomobil konferensiyasi o‘tkaziladi. 

Transport vazirligi ma’lumotiga ko‘ra, anjuman «Xalqaro avtomobil transporti: barqaror rivojlanish va farovonlik sari» mavzusida bo‘lib o‘tadi. 

Tadbir O‘zbekiston Transport vazirligi, Xalqaro avtomobil transporti ittifoqi va O‘zbekiston xalqaro tashuvchilar uyushmasi tomonidan tashkil etilmoqda. 

Konferensiyada 11 ta xalqaro tashkilot hamda 29 ta mamlakatdan 93 ta xorijiy delegatsiya vakillari ishtirok etishi kutilmoqda.