Grozada qurbonlarni dafn etish davom etmoqda, Kiyevliklar konteynerda yashamoqda. Urush suratlari

Ukrainada urushning 593-kuni o‘tdi. Asosiy ma’lumotlar:

• Rossiyaning BMTdagi doimiy vakili Vasiliy Nebenzya Rossiya qo‘shini Xarkiv oblasti Groza qishlog‘iga 5 oktyabr kuni yo‘llagan zarba bo‘yicha izoh berdi. U 53 kishi halok bo‘lgan kafeda «yuqori martabali ukrainalik natsistlardan birining dafn marosimi bo‘layotgani, unda ko‘plab neonatsist sheriklari ham qatnashgani»ni aytdi. U bu bilan amalda zarba rossiyaliklar tomonidan berilganini tasdiqladi.
• Volodimir Zelenskiy «mavjud juda aniq ma’lumotlarga ko‘ra, Rossiya Yaqin Sharqda urush avj olishidan manfaatdorligi» haqida gapirdi.
• Zelenskiy hududiy mudofaa kuchlari qo‘mondoni Igor Tansyurni lavozimdan bo‘shatdi va bu lavozimga general-mayor Anatoliy Bargilevichni tayinladi, u bunga qadar Ukraina QK quruqlik qo‘shinlari shtabi boshlig‘i o‘rinbosari edi. Tansyur Ukraina QK hududiy mudofaa kuchlariga 2022 yil mayidan buyon boshchilik qilib kelayotgandi.
• Ukraina harbiy razvedkasi maxsus topshiriqli bo‘linmalari uch marta Energodar atrofiga tashlangan, bu haqda Razvedka bosh boshqarmasi boshlig‘i Kirill Budanov ma’lum qildi.
• Rossiyada Kiyev hududiy mudofaa kuchlari safiga qo‘shilgan huquqshunos Ilya Novikovga nisbatan «raqib tomoniga o‘tish» bo‘yicha jinoiy ish ochilgan.

Kun kadri. Groza qishlog‘ida dafn marosimi

Ko‘chadagi konteynerda yashayotgan kiyevlik ayol

Donbass shimolidagi ukrain minomyotchilari

Front chizig‘idagi rossiyalik artilleriyachilar

Volgogradda kursantlar qasamyodi

O‘qqa tutilgan Xarkiv manzaralari

6 oktyabr tongida rossiyalik harbiylar Xarkivni ham o‘qqa tutishgandi. Zarbalar fuqarolik obektlari, jumladan turar joylar bo‘ylab berilgan. So‘nggi ma’lumotlarga ko‘ra, 16 kishi halok bo‘lgan, jumladan to‘qqiz yoshli bola va uning 68 yoshli buvisi. Tinch aholi vakillaridan 30 kishi yaralangan, ular orasida — halok bo‘lgan bolaning 11 oylik ukasi ham bor. Quyida zarba oqibatlari aks etgan suratlar.