Yevropa investitsiya banki Toshkentda vakolatxonasini ochadi

Tashqi ishlar vaziri Baxtiyor Saidov kecha Lyuksemburgda Yevropa investitsiya banki vitse-prezidenti Tereza Chervinskaya bilan muzokara o‘tkazdi.

Foto: TIV

«Yevropa investitsiya banki vitse-prezidenti Tereza Chervinskaya xonim bilan uchrashishdan mamnunmiz», – deb yozdi O‘zbekiston TIV rahbari o‘zining telegram-kanalida.

Qayd etilishicha, kelgusidagi hamkorlik yuzasidan makroiqtisodiy farovonlikdan tortib yashil energetikagacha bo‘lgan ko‘plab istiqbolli yo‘nalishlarda muloqot bo‘lib o‘tgan.

«Yevropa investitsiya banki O‘zbekistondagi islohotlar dasturini qo‘llab-quvvatlab kelayotganini qadrlaymiz va uning Toshkentda vakolatxonasi ochilishini olqishlaymiz», – deydi Baxtiyor Saidov.