Mask X platformasida yangi funksiya haqida e’lon qildi
Maskning aytishicha, endi X (sobiq Twitter) audio va videoqo‘ng‘iroqlar funksiyasiga ega.
X (sobiq Twitter) ijtimoiy tarmog‘i egasi Ilon Mask endi foydalanuvchilar audio va videoqo‘ng‘iroqlarni amalga oshirishi mumkinligini e’lon qildi.
Mask video va audioqo‘ng‘iroqlarning dastlabki versiyasi foydalanuvchilar uchun paydo bo‘lganini ta’kidladi. Shu tariqa u yangi funksiyani qanday yoqish haqidagi savolga javob qaytardi.
Qayd etilishicha, funksiya hozircha faqat iOS foydalanuvchilari uchun mavjud. Aniqlik kiritilishicha, ushbu parametr avtomatik tarzda yoqiladi. Foydalanuvchilar o‘zi obuna bo‘lgan akkaunt egalaridan qo‘ng‘iroqlarni qabul qilishi mumkin bo‘ladi.
Avvalroq, Ilon Mask X ijtimoiy tarmog‘ini barcha foydalanuvchilar uchun pullik qilmoqchi ekanini aytgan edi.
«Kichik miqdordagi oylik to‘lovga o‘tishimizning eng katta sababi shundaki, bu botlarning katta armiyasiga qarshi kurashishning yagona yo‘li», dedi milliarder.
Uning so‘zlariga ko‘ra, botlardan foydalanishning arzonligi sababli ularga qarshi kurashda pullik obuna joriy qilish juda muhim.
Bundan ham oldinroq, Mask ijtimoiy tarmoqda verifikatsiyani anglatuvchi ko‘k belgini olish uchun oyiga 8 dollar turadigan pullik obunani joriy etgan edi. Ammo bu Mask umid qilgan mablag‘larning barqaror oqimini ta’minlamadi. Pullik tasdiqlash belgisi joriy etilganidan keyin uch oy ichida Twitter atigi 11 million dollar daromad oldi.
Mavzuga oid
23:52 / 19.09.2024
AQSh Maxfiy xizmati Ilon Maskning o‘chirib yuborilgan tviti bo‘yicha tekshiruv boshladi
21:56 / 19.09.2024
Ramzon Qodirov Cybertruck elektromobili Ilon Mask tomonidan «o‘chirib qo‘yilganini» aytdi
20:28 / 18.09.2024
Neuralink ko‘rlarning ko‘rish qobiliyatini tiklovchi implantni ishlab chiqadi
23:02 / 14.09.2024