Qor bosgan Kupyansk ko‘chalari va uning atrofidagi ukrain pozitsiyalari. Urush suratlari
Ukrainadagi urushning 641-kuni o‘tdi. Asosiy ma’lumotlar:
- RF mudofaa vazirligi Moskva, Tula, Kaluga, Bryansk va Smolensk oblastlari hududlarida 24 ta uchuvchisi uchar qurilmalar urib tushirilgani haqida xabar berdi. Tulada dronlardan biri turarjoyga kelib urilgan: tinch aholi vakillaridan bir kishi yengil yaralangan.
- Ukraina QK havo kuchlari qo‘mondonligi RF qo‘shini Ukraina bo‘ylab to‘qqizta kamikadze dron uchirgani, shundan sakkiztasi urib tushirilganini ma’lum qilgan. To‘qqizinchi dron qandaydir zarar yetkazgani bo‘yicha aniqlik kiritilmagan.
- Anneksiya qilingan DXRning bir qismi Ukraina QKning mahalliy energiya tizimiga tunda amalga oshirilgan hujumlari oqibatida ta’minotsiz qolgan, deb xabar berdi regionning Moskva tomonidan tayinlangan rahbari Denis Pushilin.
Kupyanskni qor qopladi
Xarkiv oblastidagi Kupyansk shahrini Rossiya qo‘shinlari 2022 yil 27 fevralda bosib olgandi. Bu yerda yirik temiryo‘l tuguni joylashgan, shu tufayli u Rossiya uchun strategik ahamiyatga egadir: RF armiyasi ushbu shahar orqali jangovar bo‘linmalari va harbiy texnikalarini Ukraina hududiga olib o‘tardi.
Ukraina QK Kupyanskni 2022 yil sentabridagi qarshi hujum davomida qaytarib oladi. Hozirda Rossiya armiyasi ushbu yo‘nalishda yana hujum qilmoqda — va shaharni muntazam ravishda o‘qqa tutmoqda. 2023 yil apreliga kelib, mahalliy rasmiylarga ko‘ra, Kupyanskda besh mingga yaqin kishi qolgandi (2020 yilda bu yerda 20,5 ming kishi istiqomat qilgan).
Kupyansk yaqinidagi ukrain minomyotchilari
Mariya Lvova-Belova «Rossiya» forumida Putinning maktubini o‘qib berdi
Moskvadagi Xalq xo‘jaligi yutuqlari ko‘rgazmasi (VDNX)da 4 noyabr kuni ochilgan «Rossiya» ko‘rgazma forumi doirasida Rossiya hukumatining «Ertangi kun» («Poslezavtra») yoshlar loyihasi taqdimoti bo‘lib o‘tdi. «VKontakte»dagi guruhda qayd etilishicha, u RF prezidenti huzuridagi bolalar huquqlari bo‘yicha vakil Mariya Lvova-Belovaning «Mamlakat bolalar uchun» nomli dasturi doirasidagi «lager almashinuvi»ni ifodalaydi.
Bundan tashqari, Lvova-Belova «Rossiya» forumida ta’kidlaganidek, 2024 yildan «Ertangi kun» jamoasi Ukrainaning RF armiyasi tomonidan okkupatsiya qilingan hududlarida bolalarni rivojlantirish markazlarini ochishni boshlaydi. «Ular bizning lagerlarimizdagi barcha tadbirlarni o‘tkazishadi», — deya izohlagan Lvova-Belova va uning loyihasi ishtirokchilari «o‘z regionlarida bolalar hamjamiyatini shakllantirish va tengdoshlariga buyuk Rossiyadagi kelajakni ko‘rsatish»ni niyat qilgan.
Vladimir Putinning hisoblashicha, Lvova-Belova uning so‘zlarini «Rossiya» forumida o‘qib eshittirdi,bu «yorqin, g‘ayrioddiy loyiha Donetsk va Lugansk xalq respublikalari, Zaporijjya va Xerson oblastlaridagi iqtidorli va maqsadli yoshlarni birlashtirib, o‘z shaharlari va posyolkalari rivojiga hissa qo‘shishga, odamlarga foyda keltirishga intiladi».
«Biz birgalikda katta, qudratli va go‘zal mamlakatmiz», — deyilgan Putinning murojaatida.
Mavzuga oid
21:07 / 28.11.2024
Putin Ostonadagi chiqishida Zelenskiy ofisiga zarba berilishi mumkinligiga ishora qildi
18:30 / 28.11.2024
Tramp Ukraina bo‘yicha maxsus vakilini tanladi. U urushni qanday tugatishni taklif qiladi?
17:49 / 28.11.2024
Kiyevdagi qaror qabul qilish markazlari «Oreshnik»ning navbatdagi nishoni bo‘lishi mumkin - Putin
10:18 / 28.11.2024