Samarqandda Gentra haydovchisi o‘quvchini urib yuborib qochib ketdi
Tan jarohati olgan bola tuman tibbiyot birlashmasiga yotqizilgan, haydovchi topilgan.
Ijtimoiy tarmoqlarda Samarqand tumanidagi mahallaning ichki ko‘chasida qora rangli Gentra tez harakatlanib kelib, o‘quvchilardan birini urib yuborgani va voqea joyidan ketib qolgani tasvirlangan video tarqaldi.
Videoda ko‘chani uch nafar o‘quvchi kesib o‘tayotgani, Gentra kelib qolganda ularning ikki nafari o‘zini olib qochgani va bir nafarini mashina urib uchirib yuborganini ko‘rish mumkin.
Holat yuzasidan viloyat IIB YHXB axborot xizmati ma’lumot berdi. Unda aytilishicha, hodisa 2023 yil 18 dekabr kuni soat 17:25 larda Samarqand tumani «Ravonak» MFY hududidan o‘tuvchi ichki yo‘lda sodir bo‘lgan.
Yo‘lni kesib o‘tayotgan 2011 yilda tug‘ilgan 7-sinf o‘quvchisini davlat raqami 30 O 641 AB bo‘lgan Gentra urib yuborgan va haydovchi voqea joyidan ketib qolgan.
Oqibatda, maktab o‘quvchisi tan jarohati olib, tuman tibbiyot birlashmasiga yotqizilgan.
YPX xodimlari tomonidan olib borilgan surishtiruv davomida haydovchi va transport vositasi topilgan. Hozirda holat yuzasidan Samarqand tumani IIB tomonidan dastlabki surishtiruv ishlari olib borilmoqda.
Mavzuga oid
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024
Toshkentda tezligi yuqori BYD maktab o‘quvchisini urib yubordi
19:48 / 19.09.2024