Toshkentda harakatlanib ketayotgan avtobusda yong‘in chiqdi
Mirzo Ulug‘bek tumanida 151-sonli Mercedes-Benz avtobusida yuqori bosimli havo quvurining yorilishi tufayli qisqa tutashuv, uning ortidan yong‘in yuz berdi.
20 dekabr kuni Toshkent shahrining Mirzo Ulug‘bek tumanida harakatlanib ketayotgan yo‘lovchi avtobusida sodir bo‘lgan qisqa tutashuv yong‘inga sabab bo‘ldi.
«Toshshahartransxizmat» xabariga ko‘ra, hodisa soat 20:00 da 151-sonli Mercedes-Benz (2008 yilda ishlab chiqarilgan) Mirzo Ulug‘bek ko‘chasi Kimyo instituti binosi qarshisida harakatlanayotgan vaqtda ro‘y bergan.
Avtobusda yuqori bosimli havo quvuri yorilishi tufayli qisqa tutashuv yuzaga kelgan. Haydovchi tutunni o‘chirish uchun dastlabki choralarni ko‘rishiga qaramay, qisqa tutashuv alangaga aylangan. Voqea joyiga FVV yong‘in qutqaruv bo‘linmasi tezkor guruhi chaqirilib, yong‘in tez fursatda bartaraf etilgan.
Hodisa oqibatida jarohat olganlar yo‘q, avtobusning dvigatel qismiga zarar yetgan.
Mavzuga oid
21:40 / 09.10.2024
Toshkent havosining iflosligi yiliga 3 ming kishining bevaqt o‘limiga olib keladi - hisobot
20:45 / 09.10.2024
Toshkent shahri Bosh rejaga ko‘ra 3 ta zonaga ajratiladi
15:55 / 09.10.2024
Toshkentda inson a’zolari oldi-sotdisi bilan shug‘ullangan talaba jinoiy jazoga tortildi
13:45 / 09.10.2024