Samarqandda elektr ta’minotida qisqa muddatli uzilish kuzatilmoqda

Samarqand shahri va tumanining ayrim hududlaridagi iste’molchilarning elektr ta’minotida qisqa muddatli uzilish kuzatilmoqda

Energetika vazirligi xabariga ko‘ra, bugun, 23 dekabr kuni soat 12:00 da Samarqand viloyatidagi 110 kV  «L-G‘arbiy-1, 2» elektr uzatish tarmoqlarida nosozlik yuzaga kelgan.

Buning natijasida Samarqand tumani va Samarqand shahrining ayrim hududlaridagi iste’molchilar (16 000 ta) elektr qisman ta’minotidan uzilgan.

Hozirgi vaqtda ushbu nosozlik «Hududiy elektr tarmoqlari» AJ Samarqand hududiy filialining maxsus brigadalari tomonidan bartaraf etilmoqda.