Farg‘onada yashash xonadonida 25 mln so‘mlik pirotexnikalarni saqlab kelgan ayol aniqlandi

Farg‘ona tumanida yashash xonadonida pirotexnika vositalarini saqlab kelgan ayolga chora ko‘rildi. Bu haqda Farg‘ona viloyati IIB axborot xizmati xabar bermoqda.

Ma’lum qilinishicha, Farg‘ona tumani IIB xodimlari tomonidan «Navro‘z» MFYda yashovchi M.R.ning (ayol) yashash xonadoni xolislar ishtirokida ko‘zdan kechirilgan. Tekshiruv davomida ayolning yashash xonadoni hovlisida umumiy bahosi 25 million so‘m bo‘lgan 112 dona «7 SHOTS» nomli pirotexnika vositalarini o‘tkazish maqsadida saqlab kelayotgani aniqlangan.

Holat yuzasidan M.R.ga nisbatan Ma’muriy javobgarlik to‘g‘risidagi kodeksning 185-moddasi 1-qismiga (pirotexnika buyumlarining qonunga xilof muomalasi) asosan chora ko‘rishlik uchun jinoyat ishlari bo‘yicha Farg‘ona tumani sudiga yuborilgan.