Uy sotish haqida internetda mustaqil e’lon berish taqiqlanishi mumkin
Davaktiv tomonidan ishlab chiqilgan qonun loyihasiga ko‘ra, fuqarolarga o‘z uyini sotish uchun internetda mustaqil e’lon berish taqiqlanishi mumkin. Ushbu xizmat faqat riyeltorlik tashkilotlari va ko‘chmas mulk bo‘yicha agentlar orqali amalga oshirilishi taklif qilinmoqda.
Normativ-huquqiy hujjatlar loyihalari muhokamasi portaliga Davlat aktivlarini boshqarish agentligi tomonidan ishlab chiqilgan “Riyeltorlik faoliyati to‘g‘risida”gi qonun loyihasi muhokama uchun joylashtirildi.
Loyihaga ko‘ra, fuqarolarga o‘z uyini sotish uchun internetda mustaqil e’lon berish taqiqlanishi mumkin. Ushbu xizmat faqat riyeltorlik tashkilotlari va ko‘chmas mulk bo‘yicha agentlar orqali amalga oshirilishi taklif qilinmoqda.
«Jismoniy yoki yuridik shaxslarning ko‘chmas mulk obektlarini reklama qilish va e’lonlari, shu jumladan butunjahon axborot tarmog‘i internetda yoki ijtimoiy tarmoqlar sahifalarida joylashtiriladiganlari, ko‘chmas mulk mulkdorlari tomonidan faqat riyeltorlik tashkilotlari va ko‘chmas mulk bo‘yicha agentlar orqali bepullik asosida amalga oshiriladi», deyiladi qonun loyihasining 27-moddasida.
Avvalroq, Iqtisodiyot va moliya vaziri Jamshid Qo‘chqorov qurilish, savdo, xizmat ko‘rsatish sohalaridagi ayrim to‘lovlarni faqat bank kartalari orqali amalga oshirish amaliyotini joriy qilish yuzasidan hujjat loyihasi ishlab chiqilganini ma’lum qilgandi.
Mavzuga oid
08:00 / 19.09.2024
Ikkilamchi uy-joy narxlari biroz ko‘tarildi
21:05 / 16.09.2024
Toshkentda odamlarning mulkini aldov yo‘li bilan egallagan shaxslar ushlandi
20:20 / 16.09.2024
“6 yildan beri kutyapmiz” - Toshkentda yana bir quruvchi odamlardan qochib yuribdi
16:58 / 16.09.2024