Turkiyada Isroil foydasiga josuslik qilganlikda gumonlanib 33 kishi hibsga olindi 

Turkiya hukumati Isroil foydasiga josuslikda gumon qilingan 33 kishining hibsga olinganini ma’lum qildi, deb xabar berdi AP. 

Bundan tashqari, tergovchilar Isroilning «Mossad» xavfsizlik xizmati bilan hamkorlik qilgani aytilayotgan yana 13 nafar gumonlanuvchini qidirmoqda. Hibsga olishlar Turkiyaning sakkiz viloyati shaharlarida, xususan Istanbulda bo‘lib o‘tgan. 

Turkiya matbuotining yozishicha, qo‘lga olinganlar, xususan, Turkiyada yashovchi falastinliklar, shuningdek, o‘z mamlakati rasmiylari harakatlariga qarshi chiqqan isroillik faollar haqida ma’lumot yig‘ishda gumon qilinmoqda.