Qaysi oyda eng ko‘p tug‘ilish qayd etilgani ma’lum qilindi

2023 yilning yanvar-noyabr oylarida O‘zbekistonda 887 424 nafar tirik tug‘ilish qayd etilgan.

Statistika agentligi ma’lumotlariga ko‘ra, 2023 yilning 11 oyida oylar kesimida qayd etilgan tug‘ilishlar soni bo‘yicha avgust yetakchilik qilmoqda – 97 310 nafar.

Undan keyingi o‘rinlardan qayd etilgan tug‘ilishlar soni mos ravishda 95 374 nafar va 90 451 nafar bo‘lgan iyul hamda oktyabr joy oldi.

Ushbu ko‘rsatkich qolgan oylar kesimida quyidagicha ko‘rinishga ega:
 

• sentabrda – 89 629 nafar;
• mayda – 81 138 nafar;
• noyabrda – 80 088 nafar;
• yanvarda – 76 211 nafar;
• martda  – 73 948 nafar;  
• iyunda – 72 609 nafar;
• aprelda – 65 787 nafar;
• fevralda – 64 879 nafar.