Donetsk «hokimiyati» «Ukraina hujumi tufayli» 28 kishi halok bo‘lganini e’lon qildi
Donetskdagi bozor o‘qqa tutilishi oqibatida 28 kishi halok bo‘ldi, yana 30 kishi yaralandi, deya ma’lum qildi shaharning Rossiya tomonidan tayinlangan «hokimiyati».
Rossiya qo‘shinlari nazorati ostidagi Ukraina sharqida joylashgan Donetsk shahri 21 yanvar, yakshanba kuni ertalab artilleriyadan o‘qqa tutildi. Tekstilshchik mikrorayonidagi bozor hujumga uchradi, mahalliy «hokimiyat» o‘qqa tutishda Ukraina harbiylarini aybladi.
O‘zini «Donetsk xalq respublikasi» deb e’lon qilgan hudud «rahbari» Denis Pushilinning so‘zlariga ko‘ra, Moskva vaqti bilan soat 21:00 holatiga ko‘ra, otishmalar natijasida 28 nafar shahar aholisi halok bo‘lgan, yana 30 kishi jarohatlangan.
«Yangilangan ma’lumotlarga ko‘ra, 152 mm va 155 mm kalibrli artilleriyadan qo‘shma zarba Kuraxovskiy va Krasnogorovskiy yo‘nalishlaridan amalga oshirilgan», — deb yozdi Pushilin Telegram-kanalida.
Rossiya tomonidan tayinlangan shahar «meri» Aleksey Kulemzin ham Donetskning Kuybishev tumanida Ukraina uchuvchisiz uchog‘i tomonidan hujum qilinganini bildirdi. Uning so‘zlariga ko‘ra, o‘q-dorilar issiqlik ta’minoti tarmoqlaridagi avariyani bartaraf etayotgan ta’mirlash brigadasiga tashlangan. Hujum natijasida bir xodim yaralangan.
Ukraina tomoni Donetskning o‘qqa tutilishiga izoh bermadi.
Mavzuga oid
21:55 / 08.10.2024
Ukraina bo‘yicha ikkinchi tinchlik sammiti noyabr oyida o‘tkazilmaydi
17:12 / 08.10.2024
Shimoliy Koreya Rossiyani qo‘llash uchun Ukrainaga harbiylarini yuborishi mumkin
14:38 / 08.10.2024
«Ukrainasiz bo‘lsa - yo‘q». Harris urushni yakunlash masalasida Putin bilan bevosita muzokara olib bormasligini aytdi
12:20 / 08.10.2024