Samarqandda noqonuniy tilla qazuvchilar 753 mln so‘mlik elektr energiyasini o‘g‘irlab ishlatdi
Ular o‘g‘irlangan elektr energiyasini noqonuniy ravishda toshlarni qazib olish, qayta ishlash va sotishda foydalanilgan uskunalarda ishlatgan.
Samarqand viloyati Qo‘shrabot tumanida noqonuniy tilla qazuvchilar juda katta miqdordagi elektr energiyasini o‘g‘irlab ishlatgan. Bu haqda Bosh prokuratura huzuridagi departament xabar bermoqda.
Ma’lum qilinishicha, departamentning Qo‘shrabot tuman bo‘limi, tuman prokuraturasi va DXX xodimlari bilan hamkorlikda o‘tkazilgan tezkor tadbirda fuqaro B.X. va boshqalar o‘zaro til biriktirib, noqonuniy ravishda toshlarni qazib olish, qayta ishlash va sotish uchun hech qanday hujjatsiz elektr tarmog‘iga tijorat maqsadida ulanib olib, jami 753 mln so‘mlik elektr energiyasini o‘g‘irlaganliklari aniqlangan.
Qayd etilishicha, mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
12:21 / 07.10.2024
Samarqandda sodir bo‘lgan YTHda haydovchi halok bo‘ldi
14:57 / 06.10.2024
Samarqandda yangi 1 800 o‘rinli maktab binosi sifatsiz qurilayotgani aniqlandi
07:15 / 02.10.2024
Samarqand arxitektura-qurilish universitetida yong‘in sodir bo‘ldi
07:10 / 02.10.2024