«Pasport-viza» tizimida uzilish kuzatilmoqda

Kun.uz manbasiga ko‘ra, tizimning server qurilmasida texnik nosozlik yuzaga kelgan.

Foto: Kun.uz

Texnik nosozlik tufayli “Pasport-viza” tizimida uzilishlar kuzatilyapti. Kun.uz manbasining ma’lum qilishicha, nosozlik server qurilmasi bilan bog‘liq.

Manbaga ko‘ra, hozirda mutaxassislar tomonidan texnik nosozlikni bartaraf qilish chorasi ko‘rilmoqda. Buning uchun ma’lum vaqt talab etilgani bois davlat xizmatini olishga kelgan fuqarolarga to‘g‘ri tushuntirishlar berish so‘ralmoqda.

Oldinroq noturar obektlar bo‘yicha kadastrlarning onlayn bazasi ma’lum muddat ishlamay qolgandi.