Rossiyadagi sud ishlari va Donbassdagi harbiylar. Urush suratlari

Ukrainada urushning 701-kuni o‘tdi. Asosiy ma’lumotlar:

RF Tergov qo‘mitasi Belgorod oblastida Il-76 halokatidan keyin terakt bo‘yicha jinoiy ish ochdi. Ukraina xavfsizlik xizmati ham tekshiruv ishlarini boshlagan.
Ukraina razvedkasi tasdiqlashicha, Il-76 samolyotida rossiyalik mulozimlar ham uchishi kerak bo‘lgan, ammo FXX so‘nggi daqiqalarda ularga bortga chiqishni taqiqlagan.
Sud 2023 yil 2 aprelida halok bo‘lgan Vladlen Tatarskiy ishida aybdor deb topilgan Darya Trepovani 27 yilga ozodlikdan mahrum etdi.
Sobiq «DXR mudofaa vaziri» Igor Strelkov (Girkin) ekstremizmga chorlov bo‘yicha ishda ayblanib, to‘rt yilga qamaldi.
Ukrainada jang qilgan sobiq mahbuslar Putinga murojaat qilishdi. Ular va’da qilingan maoshlar va jarohatlanganlik uchun ko‘zda tutilgan to‘lovlarni olishmaganidan shikoyat qilishgan.
Rossiyadagi telegram-kanallar Ukraina qurolli kuchlari DXR hududidagi Ilovayskni o‘qqa tutgani haqida xabar berdi. Ularning ma’lumotlariga ko‘ra, qurbonlar va jarohatlanganlar bor, ammo ularning soniga aniqlik kiritilmagan. Hujum haqida rasmiy ma’lumot yo‘q.
France Info telekanali manbasi Rossiyaning Il-76 samolyoti ukrainlarning havo hujumidan mudofaa tizimining Patriot raketalari bilan o‘qqa tutilgani haqida xabar berdi. Bu ma’lumot tasdiqlanmagan.

Kun kadri. Rossiyaning Avdiyivka atrofida yakson etilgan zirhli texnikalari