Samarqandda 1 kg qoradorini 25,5 ming dollarga sotayotgan shaxslar ushlandi

Qo‘lga olingan uch nafar fuqaro ham Urgut tumanida yashovchi shaxslar bo‘lgan.

DXX Samarqand viloyati boshqarmasi va viloyat IIB xodimlari hamkorlikda o‘tkazilgan tezkor tadbirda qoradori sotmoqchi bo‘lgan shaxslar qo‘lga olingan.

Urgut tumanida yashovchi fuqaro – 26 yoshli B.X., 28 yoshli M.J. hamda 35 yoshli Y.F. noqonuniy giyohvand moddalar savdosi bilan shug‘ullanib kelayotgani aniqlanib, Urgut tumani Jarqishloq mahallasi hududida 1 kg “opiy”ni fuqaroga 25,5 ming dollarga sotayotgan vaqtida qo‘lga olingan.

Qayd etilishicha, ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilishi rejalashtirilib, hozirda surishtiruv harakatlari olib borilmoqda.

#Samarqand