Samarqandda 368 mln so‘mlik sof quyma oltinni Toshkentda o‘tkazish uchun olib ketayotganlar ushlandi
463,94 gramm sof quyma oltinni Toshkent shahrida o‘tkazish uchun olib ketayotgan shaxslar Bulung‘ur tumanida ushlandi.
Bosh prokuratura huzuridagi departamentning Bulung‘ur tuman bo‘limi, DXXning Navoiy viloyati boshqarmasi va IIB xodimlari hamkorligida tezkor tadbir o‘tkazilgan.
Unda, tuman hududidan o‘tuvchi M-38 avtomobil yo‘lining “Yuqori nuqta” YPX maskanida "Samarqand-Toshkent" yo‘nalishi bo‘yicha harakatlanayotgan Cobalt rusumli avtomashina yo‘lovchisi M.R.ning yonida fuqaro R.T. tomonidan Toshkent shaharida o‘tkazish uchun berib yuborilgan og‘irligi 463,94 gramm bo‘lgan bahosi 368 mln so‘mlik 2 dona sof quyma oltin bo‘lagini olib ketayotganligi aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 177-moddasi (valuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
16:00 / 04.10.2024
Samarqandda O‘zbekiston va Qozog‘iston hududlar rahbarlari kengashi uchrashuvi bo‘lib o‘tadi
07:15 / 02.10.2024
Samarqand arxitektura-qurilish universitetida yong‘in sodir bo‘ldi
07:10 / 02.10.2024
Tel-Aviv - Samarqand - Toshkent aviaqatnovi majburiy kechiktirildi
12:40 / 01.10.2024