Qoʻshimcha funksionallar
-
Tungi ko‘rinish
Xitoy Oyning orqa tomonidan tuproq yig‘ish uchun zond uchirdi
Agar jarayon muvaffaqiyatli yakunlansa, Xitoy Oyning orqa tomonidan namuna olgan birinchi davlatga aylanadi.
Foto: AFP
Xitoy tarixda birinchi marta Oyning orqa tomonidan tuproq namunalarini yig‘ib, ularni Yerga yetkazishi kerak bo‘lgan «Chan’e-6» zondini muvaffaqiyatli uchirdi.
Raketa Xitoyning Haynan orolidagi Venchan markazidan koinotga parvoz qildi. Xitoy telekanallari jarayonni translatsiya qildi.
Rejaga ko‘ra, iyun oyi boshida vazni 8 tonnadan ortiq bo‘lgan Xitoy zondi Oyning orqa tomonidagi Janubiy qutb - Eytken havzasida joylashgan Apollon krateriga qo‘nishi kerak. Shundan so‘ng zond 2 kilogramm tuproq namunasini yig‘adi va tahlil qilish uchun Yerga qaytadi. Missiya 53 kun davom etishi kutilmoqda.
Agar jarayon muvaffaqiyatli yakunlansa, Xitoy Oyning orqa tomonidan namuna olgan birinchi davlatga aylanadi, deb yozdi Reuters.
«Chan’e-6», shuningdek, Xitoy va Rossiya boshchiligidagi Xalqaro Oy tadqiqot stansiyasini (ILRS) yaratish bo‘yicha uzoq muddatli loyihaning bir qismi hisoblanadi. Taxminlarga ko‘ra, stansiya koinotni chuqur tadqiq qilish bazasiga aylanadi.
Mavzuga oid
16:48
Xitoylik hakerlar AQShdagi 150 nafar siyosatchi ortidan josuslik qilgan bo‘lishi mumkin
02:02
Kanada Mudofaa vazirligi Xitoyni Arktikada razvedka ma’lumotlarini to‘plashda aybladi
22:37 / 23.11.2024
Politico: Xitoy iqlim siyosati poygasida AQSh va YeIdan o‘zib ketdi
21:00 / 21.11.2024