Afg‘onistonda kuchli yomg‘ir suv toshqinlari keltirib chiqardi, o‘nlab odamlar halok bo‘ldi
Afg‘oniston shimoli-sharqidagi Bag‘lon viloyatida mavsumiy yomg‘irlar oqibatida kamida 50 kishi halok bo‘ldi, deya ma’lum qildi "Tolibon" rasmiylari.
Associated Press agentligining viloyat tabiiy ofatlarga qarshi kurash boshqarmasi direktoriga tayanib xabar berishicha, suv toshqini bir qancha hududlarda uylar va mulklarga ham zarar yetkazgan.
Agentlikning uning so‘zlaridan iqtibos keltirishicha, "halok bo‘lganlar soni ko‘payishi mumkin".
Toliblarning tabiiy ofatlar bilan kurashish vazirligi vakili aytishicha, suv toshqinlari Kobulga ham ta’sir ko‘rsatdi. Unga ko‘ra, jabrlangan hududlarga oziq-ovqat va boshqa yordamlar bilan qutqaruv guruhlari yuborilgan.
Aprel oyida butun mamlakat bo‘ylab kuchli yomg‘ir va suv toshqini oqibatida kamida 70 kishi halok bo‘lgan.
Mavzuga oid
15:07 / 27.09.2024
Festival fojiaga aylandi: Hindistonda 46 kishi cho‘kib ketdi, ularning aksariyati bolalar
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024
Muhojirlardan himoyalanish uchun: Eron Afg‘oniston bilan chegarada devor qurmoqda
00:28 / 19.09.2024