Rossiya O‘zbekistonda kichikroq AES ham qurishi mumkin
O‘zbekiston va Rossiya 2,4 GW quvvatli yirik atom elektr stansiyasi qurilishi bilan birga, har birining quvvati 55 MWgacha bo‘lgan 6 ta reaktordan iborat kichik AES qurilishi bo‘yicha ham hamkorlik qilishi mumkin.
O‘zbekiston va Rossiya kichik quvvatli atom elektr stansiyalarini qurish bo‘yicha hamkorlik o‘rnatishi mumkin. Bu haqda Rossiya hukumatining 22 may kuni qabul qilingan farmoyishida so‘z boradi.
Bugun, 27 may kuni e’lon qilingan hujjatda “Rosatom”ga topshiriq berilgan: korporatsiya O‘zbekiston tomoni bilan muzokaralar olib borishi, kelishuvga erishilgandan keyin 2018 yil 19 oktyabrdagi AES qurishda hamkorlik qilish to‘g‘risida rasmiy Toshkent va Moskva o‘rtasida imzolangan hukumatlararo bitimga o‘zgartirishlar kiritish haqida protokol imzolashi kerak.
Bayonnoma loyihasida keltirilishicha, tomonlar O‘zbekistonda har biri 1,2 GW quvvatli ikkita energoblokka ega yirik AESni qurish bilan birga, Rossiya loyihasi asosidagi har birining quvvati 55 MWgacha bo‘lgan 6 ta energetika reaktoridan iborat AES qurilishi bo‘yicha hamkorlik qilishi mo‘ljallangan.
“Rosatom” O‘zbekiston bilan kichik AESlar qurilishini muhokama qilayotgani haqida korporatsiya bosh direktori Aleksey Lixachev shu yil fevral oyida ma’lum qilgan edi. “Biz O‘zbekiston, Qirg‘iziston, Myanma va Janubi-Sharqiy Osiyodagi qator orol davlatlari bilan muzokaralar olib bormoqdamiz”, degandi u.
Eslatib o‘tamiz, o‘tgan hafta “O‘zatom” agentligi Energetika vazirligi bo‘ysunuvidan chiqarilib, Vazirlar Mahkamasi huzuriga o‘tkazilgan edi. Agentlikka korxonalar bilan to‘g‘ridan-to‘g‘ri shartnomalar tuzish, tadbirkorlik sub’yektlarini tashkil etish, iqtisodiyotdagi loyihalarni moliyalashtirish huquqi berildi.
Shuningdek, Vazirlar Mahkamasi huzurida Sanoat, radiatsiya va yadro xavfsizligi qo‘mitasi ham tashkil etildi.
Mavzuga oid
07:41 / 11.09.2024
O‘zbekistonda kichik quvvatli AES loyihasi bo‘yicha ishlarni boshlash to‘g‘risida bayonnoma imzolandi
11:55 / 05.09.2024
AEXA rahbari Grossi: Zaporijjya AES sovitish minorasi kelajakda buzib tashlanishi kerak
09:51 / 04.09.2024
Grossi: AES hech qachon harbiy nishonga aylanmasligi kerak
15:03 / 03.09.2024