Samarqandda sodir bo‘lgan YTHda “Damas” haydovchisi halok bo‘ldi
Damas qarama-qarshi tomondan kelayotgan “Kobalt” bilan to‘qnashgan va butunlay pachaq bo‘lib, yo‘lni ajratib turuvchi to‘siq ustiga chiqib qolgan.
Samarqand viloyati Bulung‘ur tumanida “Kobalt” bilan to‘qnashgan “Damas” haydovchisi vafot etgan. Bu haqda viloyat IIB axborot xizmati rahbari Jahongir Sa’dullayev xabar berdi.
Ma’lum qilinishicha, bugun, 13 iyun kuni soat 6:30 larda, M-39 avtomobil yo‘lining Bulung‘ur tumanidan o‘tgan qismida Toshkent-Samarqand yo‘nalishida ketayotgan “Damas” qarama-qarshi tomondan kelayotgan “Kobalt” bilan to‘qnashgan.
Oqibatda “Damas” haydovchisi og‘ir tan jarohatlari olgan va shifoxonaga olib borishda vafot etgan.
Ijtimoiy tarmoqlarda tarqalgan videoda “Damas” mashinasi butunlay pachaq bo‘lgan holda yo‘lni ajratuvchi to‘siq ustiga chiqib qolganini ko‘rish mumkin.
Qayd etilishicha, mazkur holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga oid
19:23 / 25.09.2024
Samarqandda qarovsiz holda quritib yuborilgan bog‘lar masalasi prokuratura nazoratiga olindi
16:16 / 25.09.2024
Toshkentdan Buxorogacha tezyurar poyezdlar uchun yangi temiryo‘l quriladi - prezident
19:33 / 24.09.2024
Xalqaro miqyosdagi ko‘zbo‘yamachilik: Samarqandda qurib yotgan uchta bog‘
12:50 / 24.09.2024