Pentagon rahbari: Isroil hujumga uchrasa, AQSh uni himoya qiladi

Shu bilan birga, Lloyd Ostin Yaqin Sharqda keng ko‘lamli urushni muqarrar deb hisoblamaydi.

Foto: AP / Kevin Wolf

Qo‘shma Shtatlar Isroil hujumga uchrasa, uni himoya qilishga yordam beradi. Bu haqda AQSh mudofaa vaziri Lloyd Ostin Filippindagi brifingda aytib o‘tdi.

Ostin Yaqin Sharqda yirik urush muqarrar ekaniga ishonmasligini aytdi.

Uning qayd etishicha, Vashington mintaqada kuchayib borayotgan keskinlikni kamaytirishga intilmoqda.

«Men urushni muqarrar deb hisoblamayman. Diplomatiya uchun doim joy va imkoniyat borligiga ishonaman», — dedi Pentagon rahbari.

Tehronda HAMAS yetakchisi Ismoil Haniyaning o‘ldirilishiga izoh berish so‘ralganda, u bu mavzu bo‘yicha qo‘shimcha ma’lumotga ega emasligini aytdi.

Tayyorlagan Отабек Матназаров

#AQSh #Isroil #Lloyd Ostin

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.