Qoʻshimcha funksionallar
-
Tungi ko‘rinish
Eron Ismoil Haniya o‘limi bo‘yicha tafsilotlarni ma’lum qildi
HAMAS yetakchilaridan biri qisqa masofaga uchuvchi snaryad yordamida o‘ldirilgani ta’kidlanmoqda.
Foto: Anadolu Agency
HAMAS siyosiy byurosi rahbari Ismoil Haniya og‘irligi taxminan 7 kg bo‘lgan jangovar kallakli qisqa masofaga uchuvchi snaryad yordamida o‘ldirilgan. Bu haqda Eronning Islom inqilobi qo‘riqchilari korpusiga (IIQK) tayanib Anadolu xabar berdi.
«HAMAS siyosiy byurosi rahbari Ismoil Haniya o‘z qarorgohi tashqarisidan otilgan, og‘irligi taxminan 7 kg bo‘lgan qisqa masofaga uchuvchi kallakdan halok bo‘ldi», deyiladi xabarda.
Qayd qilinishicha, suiqasd Isroil tomonidan AQSh hukumati ko‘magida rejalashtirilgan va amalga oshirilgan.
IIQK Haniya uchun qasos, albatta, kerakli vaqtda va kerakli joyda amalga oshirilishini ta’kidlamoqda.
Falastinning HAMAS harakati Siyosiy byurosi raisi Ismoil Haniya Eronning yangi saylangan prezidenti Masud Pezeshkiyonning inauguratsiya marosimida ishtirok etish uchun Tehronga bordi. IIQK 31 iyul kuni ertalab Eron poytaxtidagi Ismoil Haniya yashayotgan qarorgohiga zarba berilgani haqida ma’lumot tarqatdi.
Eron va HAMAS qotillikni uyushtirganlikda Isroilni aybladi. Biroq Isroil rasmiylari voqeaga izoh berishdan bosh tortmoqda.
G‘azodagi genotsid
Mavzuga oid
13:03
Safini kengaytirib olgan HAMAS, Ukraina shaharlariga raketa hujumi va Suriyadagi bazalarini yopayotgan AQSh - kun dayjesti
11:33
Reuters: Eron AQSh bilan yangi yadroviy kelishuv uchun kafolatlar olishni istayapti
13:46 / 18.04.2025
Falastinni tan olmoqchi bo‘layotgan Fransiya, Trampdan Putinga so‘nggi ultimatum va «Tolibon»ni terrorchilar ro‘yxatidan chiqargan Rossiya - kun dayjesti
19:46 / 17.04.2025