Rossiya Ukrainaga yana raketalar va uchuvchisiz uchoqlar bilan hujum qildi
Ukraina Qurolli kuchlari Havo kuchlari ma’lumotlariga ko‘ra, Rossiyaning 29 ta dronidan 24 tasi mamlakatning to‘qqiz viloyatida urib tushirilgan. Mintaqaviy rasmiylar qurbonlar va jarohatlanganlar yo‘qligini ma’lum qildi. Qator obektlar zarar ko‘rgan va yo‘q qilingan.
3 avgust, shanbaga o‘tar kechasi Rossiya armiyasi Ukraina hududiga to‘rtta X-31P raketasi va 29 ta Shahed uchuvchisiz uchog‘ini uchirdi, deb xabar berdi Ukraina Havo kuchlari Telegram'da. «Havo hujumiga qarshi jang natijasida Xerson, Odessa, Mikolayiv, Poltava, Sumi, Dnipropetrovsk, Kiyev, Vinnitsa va Jitomir viloyatlarida Shahed-131/136 rusumidagi 24 ta hujumkor uchuvchisiz uchoqlar urib tushirildi», — deyiladi xabarda.
Bayonotda aytilishicha, uchirishlar Qora dengiz ustidagi havo hududidan, Rossiyaning Primorsko-Axtarsk va Kursk viloyatlari, shuningdek, Qrimdagi Chauda burunidan amalga oshirilgan.
Hujum qilingan hududlar rasmiylariga ko‘ra, qurbonlar va jarohatlanganlar yo‘q. Biroq, vayronagarchilik mavjud: Vinnitsa viloyatida tungi zarbalar natijasida infratuzilma obekti, Dnipropetrovsk viloyatida - xususiy uy va suv ta’minoti tizimi shikastlangan. Mikolayiv viloyatida xususiy uy hududida ikkita xo‘jalik inshooti va o‘t-o‘lan yonib ketdi, biroq yong‘in tezda o‘chirildi, deya xabar qildi rasmiylar.
Mavzuga oid
21:41 / 23.09.2024
Eron prezidenti: Biz Rossiyaning Ukrainaga tajovuzini hech qachon ma’qullamaganmiz
20:58 / 23.09.2024
Zelenskiy AQShda. U avval Baydenga, keyin Harris va Trampga o‘z «tinchlik rejasi»ni taqdim etadi
15:41 / 23.09.2024
Rossiya qo‘mondonligi Ukraina Kurskda yurish qilishini bilgan. Amaliyot boshlanganida esa ko‘p askarlar qochib ketgan
20:07 / 22.09.2024