Qoʻshimcha funksionallar
-
Tungi ko‘rinish
Ramzan Qodirov pulemyot o‘rnatilgan Tesla Cybertruck'da ko‘rinish berdi
Checheniston rahbari elektropikapning manyovrchangligini maqtab, uni «Ukraina Qurolli kuchlari zonasidagi» rossiyalik harbiylarga yuborishga va’da berdi. Qodirov, shuningdek, avtomobil uchun Ilon Maskka rahmat aytib, uni Grozniyga taklif qildi.
Foto: Videodan kadr
Checheniston yetakchisi Ramzan Qodirov AQShning Tesla kompaniyasi ishlab chiqargan Cybertruck elektromobilini haydagani aks etgan videoni e’lon qildi.
Qodirov o‘zining Telegram kanaliga yozishicha, elektropikapni «hurmatli Ilon Maskdan qabul qilib olishgan». Shuningdek, u avtomobilning manyovrchanligi va «ajoyib tezligini» maqdab, Cybertruck’ni «Ukraina Qurolli kuchlari zonasidagi» rossiyalik harbiylarga yuborishga va’da berdi.
Ramzan Qodirov e’lon qilgan videoda ko‘rish mumkinki, transport vositasining tom qismiga pulemyot o‘rnatilgan.
«Ilon Maskka samimiy minnatdorchiligimni bildiraman. Bu, albatta, zamonamizning eng kuchli dahosi va mutaxassisi. Buyuk inson! Ilon, rahmat! Grozniyga kel, seni aziz mehmonimdek qabul qilaman», — deb yozadi Qodirov.
Amerikalik milliarder Ilon Maskning o‘zi esa Checheniston rahbariga qilgan sovg‘asi haqida hozircha hech narsa degani yo‘q.
Cybertruck — bu Tesla’ning pikaplar bozoriga kirishga birinchi urinishi bo‘lib, ular Texasning Ostin shahrida ishlab chiqariladi. Tesla 2023 yil noyabr oyida 60990 dollarga oldindan buyurtma orqali Cybertruck yetkazib berishni boshlagan edi.
Mavzuga oid
18:21 / 20.11.2024
AQSh ortidan Buyuk Britaniya ham Ukrainaga uzoq masofali raketalardan Rossiyaga zarba yo‘llashga ruxsat berdi – OAV
16:13 / 20.11.2024
«Krokus»da terakt sodir etganlikda ayblanayotganlar yana 3 oy hibsda qoladi
12:07 / 20.11.2024
O‘zbekiston va Rossiya Kaspiy dengizi orqali yangi yo‘nalishlardan foydalanmoqchi
21:03 / 19.11.2024