Rossiya Markaziy Osiyo davlatlari bilan ikkinchi sammitga tayyorlanmoqda

Rossiya Markaziy Osiyo davlatlari bilan ikkinchi sammitga tayyorlanmoqda. Bu haqda Rossiya tashqi ishlar vaziri Sergey Lavrov MGIMO talabalari va o‘qituvchilari bilan uchrashuvda ma’lum qildi.

Unga ko‘ra, turli dunyo «o‘yinchilari» o‘rtasida Markaziy Osiyoda ta’sir o‘tkazish uchun kurash ketmoqda.

Rossiya yaqin kelajakda Markaziy Osiyoning beshta davlati (Qozog‘iston, Qirg‘iziston, Tojikiston, Turkmaniston, O‘zbekiston) ikkinchi sammitini o‘tkazish ustida ishlamoqda, dedi vazir.

«Albatta, biz bir necha yil avval yaratgan format bor – «Markaziy Osiyo + Rossiya». Birinchi sammit va bir qancha vazirlar uchrashuvi bo‘lib o‘tdi. Biz hozir yaqin kelajakda ikkinchi sammitga tayyorgarlik ko‘ryapmiz», deb qo‘shimcha qildi u.

Sergey Lavrov so‘zlariga ko‘ra, Rossiya hech kimga boshqa davlatlar bilan hamkorlik qilishni taqiqlay olmaydi. «Bu bizning qoidalarimizda ham, tamoyillarimizda ham yo‘q: agar biror davlat bunda afzallik ko‘rsa, sheriklari bilan munosabatlarni rivojlantirishi mumkin».

«Ha, maqsadli auditoriya uchun raqobat bor. «Markaziy Osiyo+AQSh», «Markaziy Osiyo+Yevropa Ittifoqi» va Germaniya, Fransiya, Yaponiya, Hindiston, Koreya, Eron, Turkiya va ko‘plab formatlar mavjud», deb eslatdi u.

Shu bilan birga, Rossiya TIV rahbarining so‘zlariga ko‘ra, Rossiya va Markaziy Osiyoning beshta davlati KXShT va MDH majburiyatlariga «boshqa davlatlar taklif etayotgan loyihalar ta’sir qilmasligini to‘liq tushunishadi».

«Markaziy osiyolik hamkorlarimiz va ittifoqchilarimiz G‘arb bilan munosabatlarni rivojlantirsa, men bu yerda G‘arb shaffof va asosli maqsadlarni ko‘zlayotganiga shubha qilmayman, lekin ayni paytda Rossiya ta’sirini ham susaytirmoqchi», deb qo‘shimcha qildi u.

Eslatib o‘tamiz, «Rossiya + Markaziy Osiyo» birinchi sammiti 2022 yil oktyabr oyida o‘tkazilgan edi.